Eksporttalyp jatqan altynnyń bárin ózimizde óńdeýge bolady - vıtse-mınıstr

ASTANA. KAZINFORM – Qazaqstandyq kásiporynnyń ilki jobasy elden shıkizat retinde eksporttalyp jatqan altynnyń bárin el ishinde óńdeýge múmkindik beretin tehnologııany óndiriske qospaqshy. Bul týraly Úkimet otyrysynda Ónerkásip jáne qurylys mınıstriniń orynbasary Oljas Saparbekov málim etti.

- Solidcore Resources kompanııasynyń avtoklav óndiris jobasy quramynda myshıak mólsheri joǵary, qıyn baıytylatyn altyn bar kenderdi óńdeýge múmkindik beredi. Bul joba qazir eksporttalyp jatqan barlyq shıkizatty elimizde óńdeýge jol ashady. Investıtsııa kólemi shamamen 300 mln dollar, al joba qýaty – jylyna 15 tonna altyn, - dedi vıtse-mınıstr.

Aıta ketý kerek, elimizde altyn qymbattap, bir gramynyń baǵasy shamamen 56 527 teńgege jetti. 

Qazaqstannyń altyn qory qansha jylǵa jetetini belgili boldy.

Taıaýda World Gold Council uıymy, ıaǵnı Dúnıejúzilik altyn keńesi keıingi aıda Qazaqstannyń altyn qory 7,4 tonnaǵa artqanyn málimdedi.