Shıkizattyq emes eksport kólemi 15,7 mlrd dollarǵa jetti
NUR-SULTAN. QazAqparat - QR ındýstrııa jáne ınfraqurylymdyq damý mınıstri Roman Sklıar 2018 jyly atqarylǵan ister boıynsha el aldynda esep berdi, dep habarlaıdy QazAqparat tilshisi.
Mınıstr ózine qarasty organnyń jumysynda «qarapaıym zattar» ekonomıkasyn damytýǵa kóp kóńil bólingenin atady.
«Salany jeńildetilgen nesıemen qamtamasyz etý úshin bólingen 600 mlrd teńgeniń 400 mıllıardy qaıta óńdeý óndirisine baǵyttaldy. Osynyń arqasynda ónerkásip taýaryn óndiretin 250 nysan iske qosyldy. Bul taýardyń barlyǵyn qazaqstandyqtar kúndelikti turmysynda paıdalana bastady. Jeńildetilgen nesıelerdiń kómegimen 2025 jylǵa qaraı 16 myń jumys ornyn ashý kózdelgen. Osylaısha «qarapaıym zattar» ekonomıkasyndaǵy ımporttyń úlesin 59 paıyzdan 37 paıyzǵa túsirýge bolady, - deıdi ol.
Roman Sklıar eksporttyń artyp kele jatqanyn da atady. 2018 jyly shıkizattyq emes eksport kólemi 15,7 mlrd dollarǵa jetken.
«Qazaqstan óndirýshileri 120 elge 800 taýar eksporttaıdy. Onyń ishinde munaı, myrysh, mys, alıýmınıı, ýran sııaqty qazba baılyqtarynan bólek akkýmolıator sııaqty daıyn ónimder de bar. Al Birikken Arab Ámirlikterine bal eksporttaý jolǵa qoıyldy. Qytaıǵa etpen birge otandyq balmuzdaq eksporttap kelemiz», - dedi Roman Sklıar.
