Shıkizatty óńdeý: «Nur Otan» partııasynyń úmitkeri turǵyndarǵa bıznes ıdeıalardy iske asyrý jolyn usyndy
Aýyldardy aralap, halyqtyń turmys-tirshiligimen tanysyp júrgen oblystyq máslıhat depýtattyǵyna úmitker Ákimjan Esenamanov bul joly sanıtarlyq-epıdemıologııalyq jaǵdaıdy eskerip, qashyqtan kezdesti. «Nur Otan» partııasynyń áleýmettik jelidegi paraqshasy arqyly aldaǵy bes jylǵa arnalǵan saılaýaldy baǵdarlamany túsindirdi. Ásirese aýyl sharýashylyǵy ónimin óndirýge emes, óńdeýge basymdyq bergen jón.
«Bizdiń elimizde aýyl sharýashylyǵy salasy jaqsy damyp keledi. Halyqty tabıǵı taza azyq-túlikpen qamtamasyz etip, eksport áleýetin arttyrý úshin bul baǵyttaǵy jumys jalǵasady. Partııanyń Aqtóbe oblysy boıynsha saılaýaldy baǵdarlamasynda iske asyrylýy tıis 20 iri ınvestıtsııalyq joba bar. Keler jyly Mártók aýdanynda 2,8 myń, Aqtóbe qalasynda 500 múıizdi iri qaraǵa arnalǵan 3 taýarly sút fermasy salynady. Dál osy tusta qarapaıym ǵana súzbe men qurt shyǵarýǵa erekshe toqtalyp óteıin. Qazir biz túrli salat daıyndaý úshin ózge elde óndirilgen súzbeni satyp alyp júrmiz. Ata-babamyzdan kele jaqan ádispen biz de súzbe shyǵara alamyz. Sonymen birge quramynda bor sekildi adam densaýlyǵyna zııandy qospasy bar qurt satyp alýdy ádetke aınaldyrǵanbyz. Máselen, biz 1 mıllıon teńgege qurt shyǵaratyn qural-jabdyq satyp alsaq, 1 tonnasyn 2,5 mıllıon teńgege satamyz. Tabys osy. Tek ónimdi sertıfıkattap, ádemi etip qaptap, satýǵa shyǵarýǵa bolady. Bári de bizdiń qolymyzdan keletin sharýa», - dedi Ákimjan Esenamanov.
Bıznes ıdeıa usynǵan úmitker jańa jobany iske asyrý úshin aldymen biliktilikti arttyryp, memlekettik baǵdarlamalar arqyly nesıe alý tetigine toqtaldy. Oblys boıynsha aldaǵy 5 jylda «Bıznestiń jol kartasy – 2025» baǵdarlamasy aıasynda jyl saıyn 200 jańa jobaǵa qarjylaı qoldaý kórsetiledi. Sonymen birge «Eńbek» baǵdarlamasy aıasynda jyl saıyn 1 myń jobaǵa shaǵyn nesıe beriledi. «Qarapaıym zattar ekonomıkasy» baǵdarlamasy arqyly da 60 jobaǵa jeńildetilgen nesıe berý kózdeldi. Osy arqyly óńirde ShOB sýbektileriniń sany 62 myńǵa ulǵaıady. Ekonomıkadaǵy úlesi 25 paıyzǵa jetedi.
Kezdesýde Aqtóbe-Embi arasyndaǵy jol qurylysy, eriktilerdiń qyzmeti, aýyl men qalany abattandyrý, shalǵaı eldimekenderdi ınternetpen qamtamasyz etý suraǵy qamtyldy. Qazirgi ýaqytta Aqtóbe – Atyraý baǵytyndaǵy jol qurylysy qarqyndy júrip jatyr. Aqtóbe-Qandyaǵash qalalary arasyndaǵy qurylys úsh jylǵa josparlanǵan. Halyqaralyq talapqa saı salynatyn jol 4 jolaqty bolady. Merdigerler bıyl qajetti qurylys materıaldaryn jetkizip, kóktemde iske kirisedi. Olarǵa jergilikti jumyssyzdardy eńbekke aralastyrý mindettelgen.
Al aýyl-aımaqty ınternetpen qamtý máselesi kún tártibinen túsken emes. Ásirese indet kezinde balalar qashyqtan bilim alyp, muǵalim men oqýshy arasyndaǵy baılanys úshin birneshe joba maquldandy.
«Bozshıli aýylyna sapaly baılanys, ınternet qajet dep surady. Bul óte ózekti másele. Partııanyń saılaýaldy baǵdarlamasynda 2021-2023 jyldarǵa arnalǵan mindet bar. Turǵyndar sany 250 adamnan asatyn 97 aýyldy 3G standartty jelisine qoljetimdi mobıldi keń jolaqty ınternetpen qamtamasyz etý josparlandy. Onyń ishinde Muǵaljar aýdany boıynsha 8 aýyl bar. Jetkizý, sonymen birge sapasyn jaqsartý jumysy qatar júredi. Barlyǵy 103 aýylǵa 3G munarasy qondyrylady. Jyl saıyn tsıfrlyq saýattylyqty arttyrý úshin 5 myń adam oqytylady. Osy arqyly 70 myńnan astam aýyl turǵyny ınternet múmkindikterin erkin qoldana alady», - dedi úmitker.
Erkin suhbat qurǵan Ákimjan Esenamanov turǵyndarǵa da óz usynysyn aıtty. Tipti birge kógaldandyrý jumysyn qolǵa alýǵa shaqyrdy. Qala ǵana emes, aýyldy da jasyl jelekke toltyryp, ekologııalyq ahýaldy jaqsartýǵa kúsh biriktirgen jón. Aqtóbe oblystyq saılaýaldy baǵdarlamada jyl saıyn 396 ga jerge 1,3 mıllıon túp kóshet otyrǵyzý mindeti alǵa qoıylǵan.
«Aýyldardy aralaǵan kezde surǵylt kósheni kóremiz. Bul durys emes. Ár adam, otbasy óz aýlasyn jasyl jelekke toltyrsa, ony baptap, úlgi etse jaqsy bolar edi. Sonymen birge áleýmettik nysandardyń aýlasyna aǵash otyrǵyzý kerek. Bul kóp kúshti qajet etpeıtin, adamdy eńbekke baýlıtyn sharýa. Men patrıotpyn. Óz elimdi, jerimdi súıemin. Onyń gúldenýi úshin bar kúsh-jigerimdi jumsaımyn. Bıyl eriktiler jyly qorytyndylandy. Birimiz de volonter bolýymyz kerek. Ol ata-anaǵa, baýyrǵa, kórshige degen qamqorlyq, meıirim. Dińgegimizden ajyramaı, bir-birimizge janashyr bolyp júrsek, kóp is tyndyramyz. Men oı-maqsaty bir, armany asqaq, alǵa mindet qoıyp, jetý jolyn aıqyndaǵan barsha muǵaljarlyqty «Nur Otanǵa» daýys berýge shaqyramyn. Qıyndyqty birge eńserip, jeńiske jetemiz!» - dedi ol.
«Nur Otan» partııasy Aqtóbe oblysynyń Saılaý qorynyń qarajatynan tólendi.