10:55, 30 Qarasha 2021 | GMT +6
Shıkizat emes taýarlar eksporty 21,8 mlrd AQSh dollaryna jetkiziledi - Atamqulov
NUR-SULTAN. QazAqparat – Búgin Úkimet otyrysynda QR Indýstrııa jáne ınfraqurylymdyq damý mınıstri Beıbit Atamqulov 2025 jyly jańa jobalar qandaı nátıje beretinin aıtty, dep habarlaıdy QazAqparat tilshisi.
«Jalpy alǵanda, 2025 jyly jańa jobalardy iske asyrý jáne jańadan sharalar qabyldaý arqyly: óńdeý ónerkásibiniń jyldyq kólemi 19,7 trln teńgege, óńdeý ónerkásibinde negizgi kapıtalǵa salynatyn ınvestıtsııa 3,5 trln teńgege, shıkizat emes taýarlar eksporty 21,8 mlrd AQSh dollaryna jetkiziledi», - dedi B. Atamqulov.
Onyń aıtýynsha, tehnologııalyq jaǵynan kúrdeli taýarlar óndirisin jáne eksportty arttyrý esebinen Qazaqstan ekonomıkalyq kúrdeliliktiń álemdik ındeksinde 69 orynǵa kóteriledi.
Budan buryn habarlanǵandaı, osy jylǵy 10 aıda óńdeý ónerkásibi ótken jylǵa qaraǵanda 5,3 paıyz ósti.
2025 jylǵa deıin 13,3 trln teńgeden astam somaǵa óńdeý ónerkásibiniń 490 jobasy iske qosylady.
