Shıki balyq jep, jańbyr sýyn ishken: Tynyq muhıtta úsh aı boıy qalqyp júrgen teńizshi qutqaryldy
ASTANA. QazAqparat - Tım Sheddok pen onyń ıti Tynyq muhıtta daýylǵa tap bolǵan. Sodan beri shıki balyq jep kúneltip, jańbyr sýyn iship, úsh aı kómek kútti, dep habarlaıdy QazAqparat 9 News agenttigine silteme jasap.
Tynyq muhıttan 51 jastaǵy avstralııalyq Tım Sheddok qutqaryldy. Ol ıtimen birge úsh aı boıy ashyq muhıt betinde qaıyqta qalqyp júrgen.
Sheddok sáýir aıynda katamaranǵa minip, Meksıkanyń La Pas portynan jolǵa shyqty.
Ol Tynyq muhıt arqyly Frantsýz Polınezııasynyń arhıpelagyna deıin 6000 shaqyrym joldy eńserýdi josparlaǵan.
Kemede onyń janynda Bella atty ıti bolǵan.
Saıahat bastalǵannan keıin arada birneshe apta ótkende olar daýylǵa tap bolady.
Sol kezde katamarandaǵy elektronıka men radıobaılanys isten shyǵyp, kemeni basqarý múmkin bolmaı qalǵan.
Sheddok pen onyń ıtin 6 shildede sol mańnan ótip bara jatqan tikushaq baıqap qalǵan. Soǵan deıin olar úsh aı boıy ashyq muhıtta qalqyp júrdi.
Osy ýaqyt ishinde avstralııalyq ıtimen birge jańbyr sýyn iship, muhıttan aýlaǵan shıki balyqty jep ómir súrdi. Sheddoktyń balyq aýlaıtyn tory bar edi.
Qazir qutqarylǵandar Meksıkaǵa bara jatyr.
«Teńizde óte aýyr synaqtan óttim. Endi maǵan demalys pen jaqsy tamaq kerek. Óıtkeni kópten beri jalǵyz tirshilik ettim. Áıtpese densaýlyǵym óz qalpynda», - deıdi Tım Sheddok.
