Shyǵystaǵy eki oblysta kólik qozǵalysy shekteldi

ASTANA. KAZINFORM – Aýa raıynyń qolaısyzdyǵyna baılanysty 19 aqpan kúni saǵat 12:00-den bastap Shyǵys Qazaqstan men Abaı oblystary aýmaǵyndaǵy birqatar respýblıkalyq mańyzy bar joldarda tirkemesi jáne jartylaı tirkemesi bar júk kólikteriniń qozǵalysyna ýaqytsha shekteý engizildi.

QazAvtoJol ulttyq kompanııasynan jazǵandaı, shekteý Shyǵys Qazaqstan oblysynda «Almaty – Taldyqorǵan – Óskemen – Shemonaıha – RF shekarasy» avtojolynyń 1013-1062 shaqyrym aralyǵynda – Abaı oblysynyń shekarasynan «Rýbej» beketine deıin qoldanylady.

Sondaı-aq «Óskemen – Semeı» avtojolynyń 12-45 shaqyrym aralyǵynda – Kazache aýylynan Tavrııa aýylyna deıin jáne 48-103 shaqyrym aralyǵynda – Tavrııa aýylynan Abaı oblysynyń shekarasyna deıin qozǵalys shekteldi.

Abaı oblysynda «Óskemen – Semeı» avtojolynyń 103-198 shaqyrym aralyǵynda – Shyǵys Qazaqstan oblysynyń shekarasynan Semeı qalasyna deıin júk kólikterine ýaqytsha tyıym salyndy.

Joldy 2026 jylǵy 20 aqpan saǵat 09:00-de ashý josparlanyp otyr.

Qosymsha aqparatty 1403 baılanys ortalyǵy arqyly táýlik boıy alýǵa bolady.

Aıta keteıik, buǵan deıin 19 aqpanda eldegi qaı joldar jabyq turǵany habarlandy.