Shyǵysta onkologııaǵa shaldyqqandar sany kóp bolǵanymen, ólim azaıyp keledi — ákim
ASTANA. KAZINFORM — Shyǵys Qazaqstan oblysynyń ákimi Nurymbet Saqtaǵanov «Jibek Joly» arnasyndaǵy «Ýáde» baǵdarlamasyna bergen suhbatynda óńirdegi onkologııalyq ahýalǵa toqtaldy.
— Oblysta jyl saıyn onkologııalyq aýrýdan kóz jumatyndardyń sany azaıyp keledi. Óz kezeginde onkologııaǵa shaldyqqandardyń sany kóbeıip jatyr. Odan biz ne túsinemiz? Skrınıng sııaqty aýrýdy erte bastaý jumystarynyń nátıjesinde birinshi satydaǵy naýqastardy tez anyqtap, statıstıkada naýqas sany kóbeıgen sııaqty kórinip jatyr. Al shyn máninde erte anyqtaý arqyly ólim sanyn azaıttyq, — dedi óńir basshysy.
Sondaı-aq, ákim Óskemendegi onkologııalyq ortalyq medıtsınalyq týrızm oshaǵyna aınalǵanyn aıtady.
— Qazir sol ortalyqtardan check-up ótýge (keshendi medıtsınalyq tekserýden ótý — red.) ózge óńirlerden bólek Reseı men Túrkııadan naýqastar keledi. 2-3 kúnge kelip, tekseriledi. Keıbireýler bizden keıin Izraıldiń, Germanııanyń, Ońtústik Koreıanyń ortalyqtaryna barǵanda bergen anyqtamalary bizdikimen birdeı shyǵyp jatyr. Biz aýyl turǵyndaryn sapaly skrınıngpen qamtýǵa kúsh salyp jatyrmyz. Mysaly Maraldy aýylynan byltyr da, bıyl da adamdardy osynda tegin ákelip, tegin skrınıngten ótkizdik, — dedi Nurymbet Saqtaǵanov.
Osydan buryn Densaýlyq saqtaý mınıstrligi onkologııalyq skrınıngten kimder tegin óte alatynyn aıtty.