Shyǵysta qaraýsyz júrgen janýarlardan zardap shekkender sany artty

ÓSKEMEN. KAZINFORM — Shyǵys Qazaqstan oblysynda júgensiz júrgen janýarlardyń kesirinen adamdar zardap shegip otyr.

Bul týraly ShQO sanıtarlyq-epıdemıologııalyq baqylaý departamentinen málimdedi.

2025 jyly janýarlar tistep ne bolmasa tyrnap aldy dep shaǵymdanyp medıtsınalyq kómekke júgingen turǵyndar sany ótken jyldyń sáıkes kezeńimen salystyrǵanda 26%-ǵa artqan. Byltyr 1671 jaǵdaı tirkelse, bıyl bul kórsetkish 2112 adamǵa jetken.

— Zardap shekkenderdiń kópshiligin ıt qaýyp alǵan (81,6%), mysyq ta ıtten qalys qalar emes, olardan zardap shekkender paıyzy (16,3%), qalǵany jylqy men ózge de aýyl sharýashylyǵy janýarlary. Adamǵa zııan tıgizgen janýarlardyń jartysynan kóbi ıesiz júrgender, — dedi departament basshysynyń orynbasary Sáýle Slámǵazına.

Mamandar eger adam ıesiz júrgen janýardyń shabýylyna tap bolsa, dereý medıtsınalyq kómekke júginip, qutyrýǵa qarsy ekpeniń tolyq kýrsyn alý qajet ekenin eskertti.

Eske salsaq, buǵan deıin Túrkistan oblysynda úı janýarlarynan zardap shekkender sany artqanyn jazǵan bolatynbyz.