Shyǵysta qar jaýyp, úsh óńirde aıaz bolady

ASTANA. KAZINFORM — «Qazgıdromet» RMK 8 qazanǵa arnalǵan aýa raıy boljamyn usyndy. 

Sınoptıkter búgin respýblıkanyń shyǵys óńirleri jaýyn-shashyndy bolatynyn aıtady. Atmosferalyq frontaldy bólikterdiń áserinen bul aýmaqtarǵa jańbyr jaýyp, qar túsedi.

Antıtsıklon jotasy elimizdiń ózge óńirlerinde jaýyn-shashynsyz aýa raıyn qalyptastyrady. 

Respýblıkanyń ońtústik-batysynda, ońtústiginde, ońtústik shyǵysynda jel kúsheıedi. Shańdy daýyl turyp, batys pen soltústikte jáne shyǵysta túngi jáne tańǵy ýaqyttarda tuman bolady.

Almaty men Jetisý oblysynda 1-6 gradýs aıaz bolyp, Jambyl oblysynyń taýly aýdandarynda 1-3 gradýs úsik júredi. 

Buǵan deıin aýa raıyna baılanysty birqatar óńirde eskertý jarııalandy.