Shyǵysta qar, batysta jańbyr: 11–13 sáýirge arnalǵan aýa raıy boljamy qandaı
ASTANA. KAZINFORM — «Qazgıdromet» RMQ 11–13 sáýirge arnalǵan Qazaqstan boıynsha aýa raıy boljamyn jarııalady.
— Aldaǵy kúnderi Qazaqstannyń basym bóliginde tsıklondar men antıtsıklondardyń jıi almasýyna baılanysty aýa raıynyń turaqsyz sıpaty saqtalady. Eldiń batysynda jáne ońtústiginde jańbyr, naızaǵaı kútiledi, — delingen habarlamada.
Soltústik-batysta, soltústikte, shyǵysta jáne ortalyqta túnde jaýyn-shashyn (jańbyr, qar), kúndiz jańbyr boljanady.
11 sáýirge qaraǵan túni eldiń shyǵysynda qar jaýady. 11 sáýirde respýblıkanyń batysynda qatty jańbyr, burshaq kútiledi. Qazaqstan boıynsha tuman boljanady.
10 sáýirde elimizdiń batysynda, soltústiginde jáne ońtústik-shyǵysynda naızaǵaı, burshaq jáne ekpindi jelmen birge qatty jańbyr kútiledi. Túngi ýaqytta soltústik-batys pen soltústikte jaýyn-shashyn (jańbyr, qar) boljanatyny habarlandy.
