Shyǵysta Altaı qalasynyń ákimi saılanady

ÓSKEMEN. KAZINFORM — Shyǵys Qazaqstan oblysy Altaı qalasynyń ákimi saılanady. 

Altaı aýdanynyń ortalyǵy Altaı qalasynyń ákimin saılaý 16 aqpanǵa belgilengen. Bul týraly aýdan ákimdiginen málim etti.

— Ázirge saılaýǵa túsetin kandıdattar belgilengen joq. Altaı qalasy boıynsha 20 saılaý ýchaskesi bar. Onyń ishinde úsheýi jabyq. Al naqty qansha saılaýshy daýys bere alatyndyǵy ázirge eseptelmedi, — dep Kazinform tilshisine aýdan ákimdiginen málim etti.

Aıta keteıik, 2023 jyly Altaı aýdany ákiminiń saılaýy ótken. 45 844 adamnyń ishinen 28 232 daýys jınaǵan Renat Qurmambaev aýdan basshysy bolyp saılanǵan edi.

Eske salsaq, osyǵan deıin Memleket basshysy kezekten tys Prezıdent saılaýy ótedi degen qaýesetke qatysty pikir bildirgeni habarlanǵan.