Shyǵysqazaqstandyq órt-qutqarý sportynan álem chempıonatynda Qazaqstan rekordyn jańartty

ÓSKEMEN.KAZINFORM — Reseıdiń Saransk qalasynda órt-qutqarý sportynan jasóspirimder men jastar arasyndaǵy XIV álem chempıonaty ótip jatyr. 

Órt-qutqarý sportynan jasóspirimder men jastar arasyndaǵy XIV álem chempıonatyna jáne qyzdar arasyndaǵy H álem chempıonatyna Reseı, Qazaqstan, Belarýs jáne basqa da elderdiń sportshylary qatysyp jatyr.

Shyǵys Qazaqstannan kelgen Nıkıta Boıkov jasóspirimder arasynda «shabýyl satysymen oqý munarasynyń ekinshi qabatyna kóterilý jarysynda 7,26 sekýndtyq nátıje kórsetip, kúmis júldeni jeńip aldy. Bul Qazaqstannyń jańa rekordy. Sportshynyń jattyqtyrýshysy — ShQO TJD qyzmetkeri Mıhaıl Fılatov.

— Nıkıta naǵyz sheberlik pen tabandylyq tanytty. Onyń nátıjesi — búkil óńirimiz úshin úlken maqtanysh, — dedi bapkeri.

Jarystyń alǵashqy kúniniń qorytyndysy boıynsha Qazaqstannyń jasóspirimder men qyzdar quramalary jalpykomandalyq úshinshi orynda tur. 

Eske salsaq, grek-rım kúresinen álem chempıonatynla ıÝsýf Ashrapov qola júldeger bolǵany habarlanǵan.