Shyǵysqazaqstandyq kásiporyn Eýropanyń 27 eline bal satady
ASTANA. KAZINFORM – Shyǵysqazaqstandyq kásiporyn Eýropanyń 27 eline bal jetkizý múmkindigin aldy. Bul týraly ShQO Nurymbet Saqtaǵanov Astanada óńirdiń áleýmettik-ekonomıkalyq damýy týraly esebinde aıtty.
Ákimniń aıtýynsha, bıyl aımaqtyń agrarlyq sektory turaqty ósim kórsetip otyr. Astyq ónimi 101,5%-ke, maıly daqyldar – 107%-ke artqan.
– Qaıta óńdelgen eksporttyq ónim úlesi 66%-ten 71%-ke deıin ósken. Tsıfrlyq júıeni paıdalaný arqyly egistik jerlerdiń 40%-i ónimdilikti gektaryna 30 tsentnerge deıin arttyrýǵa múmkindik berdi, – dedi oblys ákimi Ortalyq kommýnıkatsııalar qyzmetinde.
Agróónerkásip kesheninde syrtqy yntymaqtastyqty nyǵaıtý maqsatymen Qytaı, Reseı jáne Ózbekstanmen ózara is-qımyl jolǵa qoıylǵan.
– Biz iri qytaılyq saýda kompanııalarymen, jalpy quny – 50 mln dollarǵa maı ónimderin jetkizýge kelisimshart jasastyq. Sol sııaqty mal sharýashylyǵy ónimin Qytaı naryǵyna shyǵarý úshin bıyl zertteý nátıjeleri álemniń 112 elinde tanylǵan arnaıy sertıfıkattaý zerthanasy quryldy. Bizdiń jerlester Eýrokomıssııa tizimine engen alǵashqy qazaqstandyq kásiporyn retinde Eýropanyń 27 eline Shyǵystyń balyn jetkizý múmkindigine ıe boldy, – dedi N. Saqtaǵanov.
Balyq sharýashylyǵynda da óńir kósh bastap tur. Bıyl 2,5 myń tonna balyq óndirilmek. Sibir bekiresin qalpyna keltirý úshin Qara Ertiske 61 myńnan astam balyq shabaqtary jiberildi.
Aıta keteıik, 2025 jyly Shyǵys Qazaqstan oblysynyń ekonomıkasy turaqty oń dınamıkany kórsetip otyr.
Bıyl ShQO-da quny 55 mlrd teńge bolatyn 15 ınvestıtsııalyq jobany iske qosý josparlanǵan, nátıjesinde 400-den astam jańa jumys orny qurylady.