Shyǵys óńiriniń shekaralyq aımaǵynda kólik qozǵalysy shekteledi

ASTANA. KAZINFORM — Abaı jáne Shyǵys Qazaqstan oblystarynda kólik qozǵalysy shekteledi, dep habarlaıdy «QazAvtoJol» UK.

— 2025 jylǵy 02 qantarda saǵat 16:30–de Abaı oblysynda aýa raıynyń buzylýyna baılanysty «Taskesken-Baqty» 0-75 km, Taskesken a. — Úrjar a. ýchaskesinde kóliktiń barlyq túriniń qozǵalysyna shekteý qoıyldy, — delingen habarlamada.

Sondaı-aq, Shyǵys Qazaqstan oblysynda da kólik qozǵalysy shekteldi.

2025 jylǵy 02 qańtarda saǵat 18:00–de Shyǵys Qazaqstan oblysynda qar kóshkininiń ózdiginen túsý qaýipine baılanysty «Óskemen-Altaı-Úlken Naryn-Katon-Qaraǵaı-Rahmanovskıı kiltteri» avtojolynyń ýchaskesinde avtokóliktiń barlyq túrleri úshin qozǵalysqa shekteý engiziledi, 6-166 km., Ýshanovskoe a. ýchaskesi-Altaı qalasy.

Aıta keteıik, 1403 baılanys ortalyǵyna habarlasyp, táýlik boıy qosymsha aqparat alýǵa bolady.

Buǵan deıin elimizdiń bes oblysynda jol jabylatyny habarlandy.