Shyǵys Qazaqstannyń taýly jerlerinde qar kóshkini júrý qaýpi joǵary
ÓSKEMEN. KAZINFORM – Shyǵys Qazaqstan oblysynyń taýly jerlerinde qar kóshkini júrýi múmkin.
ShQO tótenshe jaǵdaılar baspasóz qyzmetiniń málimetine súıensek, aqpan aıynyń sońyna deıin óńirde qar kóshkini júrý qaýpi saqtalady.
– Meteorologııalyq jaǵdaıdyń ózgerýine, jıi qar jaýýyna jáne jeldiń kúsheıýine baılanysty oblystyń taýly jerlerinde qar kóshkini túsýi yqtımal. Osy rette, turǵyndarǵa barynsha abaı bolýdy, eshbir jaǵdaıda taýǵa shyqpaý qajettigin eskertemiz. Eger qandaı da bir qıyndyqqa tap bolsańyzdar birden «112» nómirine qońyraý shalyńyz, - dep habarlady vedomstvo ókilderi.
Sondaı-aq qutqarýshylar óńir jurtshylyǵyna alys saparǵa shyǵar aldynda joldardyń jaı-kúıin «Dármen» mobıldi qosymshasy arqyly tekserip otyrýǵa keńes berdi.
Eske salsaq, buǵan deıin ShQO-da kóktemniń alǵashqy aıynda aýa raıy qandaı bolatyny jaıly jazǵanbyz.