Shyǵys Qazaqstannyń Shanaǵatty aýylynda aıaz -56 gradýsqa deıin jetti

ÓSKEMEN. KAZINFORM — Shyǵys Qazaqstan oblysy Marqakól aýdanyndaǵy Shanaǵatty aýylynda aıaz -56 gradýsqa deıin jetti.

Sońǵy kúnderi el aýmaǵynda aýa temperatýrasy kúrt sýytyp ketti. Ásirese Shyǵys Qazaqstanda aıaz kúshine enip tur. 15 qańtarda Altaı aýdanyndaǵy Parygıno aýylynda synap baǵanasy -45 gradýsqa deıin tómendese, 16 qańtarda tańerteń -53 gradýsqa jetken.

Al 17 qańtarda budan da sýyq aýa raıy tirkeldi. Oblys ákimdiginiń málimetinshe, Marqakól aýdany Shanaǵatty aýylynda aýa temperatýrasy -56°C-ǵa deıin tómendedi.

Osy rette, qutqarýshylar óńir jurtshylyǵyna aıazda ashyq aýada bolý ýaqytyn shektep, múmkindiginshe alys saparǵa shyǵýdy keıinge qaldyrý qajettigin eskertti.

Eske salsaq, osyǵan deıin Shyǵys Qazaqstandaǵy aýyldardyń birinde aıaz -53 gradýsqa deıin jetkenin jazǵanbyz.