Shyǵys Qazaqstannyń 8 aýdanynda áli de tasqyn qateri bar — departament
ASTANA. KAZINFORM — Shyǵys Qazaqstan oblysynda sý tasqyny kezeńi turaqty baqylaýda tur. Bul týraly ShQO tótenshe jaǵdaı departamenti tótenshe jaǵdaılardyń aldyn alý basqarmasynyń bas mamany Dına Beksultanova aıtty.
«Shyǵys Qazaqstan oblysy boıynsha jaǵdaı qalypty ári únemi baqylaýda. Oblysta taýly aımaqtardaǵy qar jamylǵysynyń erýi bastaldy. Osyǵan baılanysty óńirde sý tasqynynyń ekinshi kezeńi kelip jetti. Qazirgi ýaqytta sý tasqyny qaýpi bolýy múmkin aýdandar anyqtaldy. Olar soltústik-shyǵys, shyǵys aımaqtarda ornalasqan — Rıdder, Altaı, Samar, Marqakól, Glýbokoe, Qatonqaraǵaı, Kúrshim, Shemonaıha aýdandary», — dedi ol ortalyq kommýnıkatsııalar qyzmetindegi brnıfıngte.
Onyń atap ótýinshe, Shyǵys Qazaqstan oblysynda qar jamylǵysy 44 paıyz aýmaqty alyp jatyr. Jergilikti atqarýshy jáne múddeli memlekettik organlar jaǵdaıdy jiti baqylaýda ustaý úshin turaqty túrde áýeden baqylaý júrgizip otyr.
«Bizdegi búkil gıdrotehnıkalyq qurylystar shtattyq rejımde jumys istep tur. Sý tasqyny kezeńi únemi baqylaýda», — dedi Dına Beksultanova.
