Shyǵys Qazaqstandaǵy joldardyń birinde kólik qozǵalysyna tyıym salyndy

ÓSKEMEN. KAZINFORM – Shyǵys Qazaqstan oblysyndaǵy tasjoldardyń birinde kólik qozǵalysyna tyıym salyndy.

ShQO Tótenshe jaǵdaılar departamenti baspasóz qyzmetiniń málimetine súıensek, búgin saǵat 13.30-dan bastap óńirdegi tasjoldardyń biri jabyldy.

- Kúnniń buzylýyna, naqty aıtqanda tuman túsip, boran soǵyp, joldyń durys kórinbeýine baılanysty oblystyq mańyzy bar «Shemonaıha-Sekısovka» tasjolynyń 0-56 shaqyrymynda kóliktiń barlyq túri úshin qozǵalysqa tyıym salyndy», - delingen aqparatta.

Osy rette, qutqarýshylar óńir jurtshylyǵyna alys saparǵa shyǵar aldynda joldardyń jaı-kúıin «Dármen» mobıldi qosymshasy arqyly tekserip otyrýǵa keńes berdi.

Eske salsaq, buǵan deıin Qazaqstanda bıyl qansha shaqyrym jáne qandaı joldar salynǵany jaıdy jazǵanbyz.