Shyǵys Qazaqstandaǵy joldardyń birinde kólik qozǵalysy shekteldi
ÓSKEMEN. KAZINFORM — Shyǵys Qazaqstan oblysyndaǵy joldardyń birinde keıbir kólik túrleriniń qozǵalysyna tyıym salyndy.
ShQO tótenshe jaǵdaılar departamenti baspasóz qyzmetiniń málimetine súıensek, aýa raıynyń qolaısyzdyǵyna, naqty aıtqanda qalyń qar men kóktaıǵaqqa baılanysty oblystyq mańyzy bar avtokólik jolynda keıbir kólik túrleriniń qozǵalysyna tyıym salyndy.
— 5 qańtar saǵat 19.30-dan bastap «Óskemen-Rıdder-Reseı Federatsııasynyń shekarasy tasjolynyń 15-105 shaqyrymynda (Beloýsovka eldi mekeni men Rıdder qalasynyń arasyndaǵy jol) tirkemesi bar jáne jartylaı tirkemeli júk kólikteriniń qozǵalysyna ýaqytsha tyıym salyndy. Sondyqtan júrgizýshilerdi óz baǵyttaryn aldyn ala josparlap alýdy suraımyz, — delingen aqparatta.
Boljam boıynsha jol erteń tańǵy saǵat 06.00-ge deıin jabyq turady.
Osy rette, qutqarýshylar óńir jurtshylyǵyna joldardyń jaı-kúıin «Dármen» mobıldi qosymshasy arqyly bilip otyrýǵa keńes berdi.
Eske salsaq, osyǵan deıin Almaty oblysynda Kóshpendiler qalasyna deıin jańa jol salynǵany habarlanǵan.