Shyǵys Qazaqstandaǵy Úlbi ózeninde muz jarý jumystary júrgizildi
ÓSKEMEN. KAZINFORM — Shyǵys Qazaqstan oblysy Shemonaıha aýdanyndaǵy ózende muz jaryldy.
ShQO tótenshe jaǵdaılar departamenti baspasóz qyzmetiniń málimetine súıensek, sý tasqynyna qarsy is-sharalar kesheni aıasyndaǵy muz jarý jumystaryna qutqarýshylar men jergilikti atqarýshy organ ókilderi tartyldy.
— Jarylystar barysynda jalpy aýdany 10200 sharshy metr muz usaqtaldy. Bul jumystar muz keptelýin boldyrmaý maqsatynda uıymdastyryldy. Muzdy usaqtaý ózen arnasy tarylatyn nemese kúrt ózgeretin jerlerde, muz kópir tirekterine zaqym keltirmes úshin júrgizildi, — delingen aqparatta.
Muzdaǵy jarylys jumystarynyń nátıjesinde eldi mekender úshin sý tasqyny qaýpi barynsha azaıtylady.
Eske salsaq, osyǵan deıin Shyǵys Qazaqstan oblysynda kóktemgi sý tasqyny kezeńine daıyndyq jumystary jalǵasyp jatqany jaıly habarlanǵan.