Shyǵys Qazaqstandaǵy saılaý ýchaskeleriniń referendýmǵa daıyndyǵy qalaı

ÓSKEMEN. KAZINFORM – Shyǵys Qazaqstan oblysynyń turǵyndary referendým kezinde 500-den astam saılaý ýchaskesine baryp daýys beredi.

Óńirde referendým ótkizýge baılanysty barlyǵy 547 komıssııa jumys isteıdi. Onyń ishinde 14-i - aýmaqtyq komıssııa, 533-i ýchaskelik komıssııa. Bul týraly agenttik tilshisine ShQO saılaý komıssııasy tóraǵasynyń orynbasary Janar Alhanova aıtyp berdi.

- Komıssııalardyń quramynda jalpy sany 3821 adam bar. Sonyń ishinde 98-i aýmaqtyq, 3723-i ýchaskelik komıssııa músheleri. Oblysta barlyǵy 533 saılaý ýchaskesi qurylǵan. Onyń 501-i tirkeý orny boıynsha, al 32-si ýaqytsha bolatyn oryndarda ornalasqan, - dedi ol.

Ýchaskelerdiń 129-y nemese 24,2 paıyzy Óskemen qalasynda oryn tepken. Shyǵys Qazaqstandaǵy saılaýshylar sany 485 109 adam.

- Óńirde 3048 múgedektigi bar saılaýshy tirkelgen. Onyń ishinde 1047-si arbaǵa tańylǵandar, 957-si estý qabileti, al 1017-si kórý qabileti buzylǵan azamattar. Shyǵys Qazaqstan oblysynda saılaýshylarǵa qolaıly jaǵdaı jasaý maqsatynda 213 onlaın servıs jáne azamattardy tirkeýge arnalǵan 5 servıs uıymdastyrylǵan, - dedi Janar Alhanova.

Sonymen qatar oblys boıynsha barlyq saılaý ýchaskesiniń mekenjaıy men baılanys derekterin usynatyn 14 Call-ortalyq jumys istep tur

Eske salsaq, osyǵan deıin Pavlodar óńirinde referendýmda shamamen 500 myń adam daýys berý quqyǵyna ıe ekendigi habarlanǵan.