Shyǵys Qazaqstandaǵy «Qyzyl tý» muz ótkeli ashyldy

ÓSKEMEN. KAZINFORM – Shyǵys Qazaqstan oblysy Kúrshim aýdanyndaǵy muz ótkeli ashyldy.

ShQO Tótenshe jaǵdaılar departamenti baspasóz qyzmetiniń málimetine súıensek, Kúrshim men Samar aýdandarynyń arasyn jalǵap turǵyn «Qyzyl tý» muz ótkelinde kólik qozǵalysyna ruqsat berildi.

«Quıǵan aýyldyq okrýgi ákiminiń qaýlysyna sáıkes, ótkelden jalpy salmaǵy 1,5 tonnaǵa deıingi kólikter óte alady. Kólik júrgizýshilerine qaýipsizdik sharalaryn qatań saqtaý qajettigin eskertemiz. Muz ótkelinen óter kezde kóliktegi qaýipsizdik beldigin sheshý kerek», - delingen aqparatta.

Aıta keteıik, Prezıdent Qasym-Jomart Toqaevtyń tapsyrmasymen «Qyzyl tý» ótkelinde kópir qurylysy júrgizilip jatyr. Ótkel jyldyń sońynda tehnıkalyq kópir ashylǵan bolatyn. Biraq onda tek qurylysshylardyń tehnıkalary júredi.