Shyǵys Qazaqstandaǵy eki jolda kólik qozǵalysy shekteldi
ÓSKEMEN. KAZINFORM – Shyǵys Qazaqstan oblysyndaǵy eki jolda keıbir kólik túrleriniń qozǵalysyna tyıym salyndy.
ShQO tótenshe jaǵdaılar departamenti baspasóz qyzmetiniń málimetine súıensek, aýa raıynyń qolaısyzdyǵyna baılanysty respýblıkalyq jáne oblystyq mańyzy bar joldarda keıbir kólik túrleriniń qozǵalysyna tyıym salyndy.
— 7 qańtar saǵat 21.00-den bastap «Óskemen-Rıdder-RF shekarasy» tasjolynyń 15-105 shaqyrymynda (Beloýsovka kenti men Rıdder qalasynyń arasyndaǵy jol) jáne «Shemonaıha-Sekısovka» tasjolynyń 0-56 shaqyrymynda tirkemesi bar jáne jartylaı tirkemeli júk kólikteriniń qozǵalysyna ýaqytsha tyıym salyndy. Sondyqtan júrgizýshilerdi óz baǵyttaryn aldyn ala josparlap alýdy suraımyz, - delingen aqparatta.
Osy rette, qutqarýshylar óńir jurtshylyǵyna joldardyń jaı-kúıin «Dármen» mobıldi qosymshasy arqyly bilip otyrýǵa keńes berdi.
Eske salsaq, osyǵan deıin 7 aqpanda respýblıka boıynsha qaı joldar jabyq turǵany jaıly jazǵanbyz.
