Shyǵys Qazaqstandaǵy birneshe jolda kólik qozǵalysyna shekteý alynyp tastaldy

ÓSKEMEN. KAZINFORM — Shyǵys Qazaqstan oblysynda birneshe jol keı kólik túrleri úshin qaıta ashyldy.

ShQO Tótenshe jaǵdaılar departamenti baspasóz qyzmetiniń málimetine súıensek, 18 qańtar saǵat 11:00–den bastap respýblıkalyq mańyzy bar tasjoldardyń birqatar ýchaskelerinde qoǵamdyq kólikter men dızeldi kólikter úshin qozǵalys shekteýleri alynyp tastalady. 

— Atap aıtqanda, «Almaty-Taldyqorǵan-Óskemen-Shemonaıha-Reseı shekarasy» jolynyń 1013-1062 shaqyrymynda (Abaı aýdany shekarasynan Almasaı aýylynyń burylysyna deıingi jol), «Almaty-Taldyqorǵan-Óskemen-Shemonaıha-Reseı shekarasy» tasjolynyń 1104-1212 shaqyrymynda (Glýbokoe aýyly-Shemonaıha qalasy-Reseı shekarasy arasy), «Óskemen-Semeı» tasjolynyń 10-103 shaqyrymynda (Gerasımovka aýyly men Abaı aýdany shekarasynyń arasy), «Qytaı shekarasy-Maıqapshaǵaı-Zaısan-Qalbataý-Semeı-Pavlodar-Reseı shekarasy» tasjolynyń 1103-1256 shaqyrymynda shekteýler alyndy, — dep habarlady vedomstvo ókilderi.

Osy rette, qutqarýshylar halyqqa alys saparǵa shyǵar aldynda joldardyń jaı-kúıin «Dármen» mobıldik qosymshasy arqyly tekserip otyrýǵa keńes berdi. 

Eske salsaq, osyǵan deıin 18 qańtarda eldegi qaı joldarda qozǵalys shektelgeni jaıly jazǵanbyz.