22:46, 16 Qańtar 2026 | GMT +5
Shyǵys Qazaqstandaǵy aýyldardyń birinde aıaz -53 gradýsqa deıin jetti
ÓSKEMEN. KAZINFORM — Shyǵys Qazaqstan oblysy Altaı aýdanyndaǵy Parygıno aýylynda aıaz -53 gradýsqa deıin jetti.
15 qańtarda Altaı aýdanyndaǵy Parygıno aýylynda synap baǵanasy -45 gradýsqa deıin tómendese, 16 qańtarda tańerteń -53 gradýsqa jetken.
Al túske qaraı aýa temperatýrasy -48-di quraǵan. Aýyldyq okrýg ákimi Ǵanı Tólekov aýyl turǵyndarynyń mundaı aýa raıy jaǵdaılaryna jaqsy daıyndalǵanyn atap ótti.
— Áleýmettik jáne mańyzdy nysandar qalypty jumys istep tur, eshqandaı aqaýlar, irkilister tirkelgen joq. Jaǵdaı árkez baqylaýda, — deıdi Altaı aýdanynyń ákimi Renat Qurmambaev.
Eske salsaq, osyǵan deıin Petropavlda úıden shyǵyp ketken zeınetker áıel aıazda úsik shalyp, mert bolǵany habarlanǵan.