Shyǵys Qazaqstandaǵy 9 týrıstik nysanǵa áli ınternet tartylmaǵan

ÓSKEMEN. KAZINFORM — Shyǵys Qazaqstan oblysynda týrıster arasynda tanymal 9 nysanǵa áli ınternet tartylmaı keledi.

ShQO tsıfrlandyrý jáne arhıvter basqarmasynyń málimetine súıensek, óńirde týrızmdi damytý kartasyna sáıkes týrıstik oryndarǵa ınternet tartý jumystary júrgizilip jatyr. 

Búginde 9 týrıstik nysanǵa áli ınternet tartylmaǵan. 24 nysanda ınternet qoljetimdi. Onyń ishindegi 17-sine ınternetti uıaly baılanys operatorlary qamtamasyz etip otyr. Biraq jaz kezinde demalýshylar sany kóp bolǵanda ol jelilerdiń jetkiliksizdigine baılanysty jyldamdyq shekteledi. Ásirese Sibe kólderinde ınternet jyldamdyǵy baıaý bolady.
Katonqaraǵaı ulttyq parki, Batys Altaı tabıǵı qoryǵy, Shybyndykól, Qıyn-Kerish shatqaly, Dýbyǵaly kóli syndy demalys oryndarynda ınternet tartylmaı keledi.

— Starlink termınaldaryn ornatý arqyly osy týrıstik aımaqtardy ınternetpen qamtamasyz etýdi josparlanyp otyr. Termınaldardy qabyldap, qosylý úshin aqy tóleı alatyn týrıstik operatorlardyń tizimi jasaldy, — delingen aqparatta.

Eske salsaq, osyǵan deıin Qostanaı oblysyndaǵy tasjoldar mobıldi ınternetpen qamtylatyndyǵy habarlanǵan.