Shyǵys Qazaqstandaǵy 50-ge jýyq mekteptiń dırektory joq
ÓSKEMEN. KAZINFORM – Shyǵys Qazaqstan oblysyndaǵy 48 mektep basshysyz qalyp otyr.
Óńirdegi basshy kadrlardyń tapshylyǵy men pedagog jetispeýshiligi týraly ShQO bilim basqarmasynan málim etti. Vedomstvo basshysy Qýat Oqasovtyń aıtýynsha, búginde 48 jalpy bilim beretin mektepte dırektor joq.
- Pedagogterdiń kóbisiniń dırektorlyq qyzmetke umtylmaıtynyn baıqap otyrmyz. Sebebi onda jaýapkershilik joǵary, al yntalandyrý jetkiliksiz. Sonyń saldarynan óńirde mektep basshylarynyń tapshylyǵy qalyptasty, - dedi ol.
Sonymen qatar muǵalimderdiń jetispeýshiligi de ózekti. Oblysqa shamamen 100 maman qajet. Ásirese, bul másele shalǵaı eldi mekenderde ótkir seziledi.
- Kadr tartýdyń túrli tetikteri qarastyrylyp jatyr. Sonyń ishinde qonys aýdarý baǵdarlamalary men yntalandyrý sharalary da bar, - dep habarlady basqarmadan.
Eske salsaq, osyǵan deıin túrkistandyq muǵalimder úsh jyl buryn salynǵan mekteptiń sapasyna shaǵymdanǵany habarlanǵan.
