Shyǵys Qazaqstandaǵy 139 aýylda áli ınternet joq

ÓSKEMEN. KAZINFORM — Shyǵys Qazaqstan oblysyndaǵy 357 eldi mekenniń 139-ynda áli ınternet tartylmaǵan. 

Óńir aýyldarynyń halqyn tolǵandyrǵan negizgi máselelerdiń biri — ınternettiń joqtyǵy. 2022 jyly 17 aýyl, 2023 jyly 20 aýyl, 2024 jyly 45 aýyl ınternetpen qamtamasyz etilgen. Qazirgi ýaqytta áli 139 eldi mekende ınternet joq.

Oblys ákimdiginiń málimetinshe, bıyl bul baǵyttaǵy jumys jalǵasady. Jospar boıynsha 60 aýylǵa ınternet tartylmaq.

— Sol úshin jergilikti atqarýshy organdar men baılanys operatorlary arasynda kelisimsharttar jasalyp jatyr. Jaqynda Altaı aýdanyna qarasty Feklıstovka aýylynda ınternet tartyldy. Halyqtyń aryz-shaǵymdarynan keıin aýyldy baılanyspen qamtý úshin ¾G standartyna saı bazalyq stantsııa iske qosyldy. Onyń jyldamdyǵy 86,9 Mbıt/s-qa deıin jetedi. Baılanys operatory «Kar Tel» JShS óz qarajaty esebinen antenna-machtalyq qurylymdy ornatyp, elektr jelisin tartty. Sondaı-aq Tele2 jáne Kcell/Activ operatorlarynyń jelisin ortaq paıdalaný múmkindigi qarastyrylyp jatyr, — delingen aqparatta.

Eske salsaq, buǵan deıin ShQO-daǵy Terektibulaq aýylynyń turǵyndary ınternettiń tek qaǵaz júzinde ustaıtynyna shaǵymdanǵanyn jazǵanbyz.