Shyǵys Qazaqstandaǵy 11 eldi mekende sel júrý qaýpi toqtady
ÓSKEMEN. KAZINFORM – Shyǵys Qazaqstan oblysynda sel júrý qaýpi bar kezeń aıaqtaldy.
ShQO tótenshe jaǵdaılar departamenti baspasóz qyzmetiniń málimetine súıensek, oblys boıynsha 15 mamyrdan sel júrý qaýpi bastalǵan. Katonqaraǵaı, Zaısan, Altaı aýdandary men Rıdder qalasyndaǵy bıik taýlarda 144 muzdyqty kól qalyptasqan. Osylaısha, 11 eldi mekenge sel júrý qaýpi tóngen.
«123 kúnge sozylǵan sel qaýpi bar kezeń aıaqtaldy. Jaǵdaıdy qadaǵalaý úshin arnaıy shtab qurylǵan. 10 baqylaý gıdroposty jumys istedi. Sel qaýpi bar ýchaskelerge 110 jerústi zertteý júrgizildi. Sonymen qatar eki ret tikushaqpen barlaý jasalǵan. Sonyń nátıjesinde, morenalyq kólderdiń buzylýy jáne sel júrý qaýpi baıqalmady», - deıdi «Qazseldenqorǵaý» mekemesi ShQ fılıalynyń basshysy Sovetbek Stanbekov.
Osylaısha, bıylǵy sel júrý qaýpi bar kezeńde eldi mekender halqyna eshqandaı zalal kelgen joq.
Qazirgi ýaqytta fılıal mamandary qysqy qar kóshkini qaýpi bar kezeńge daıyndyq jumystaryn bastady.
