Shyǵys Qazaqstanda JRVI juqtyrǵandar sany 52 myńnan asty

ShQO Sanıtarlyq-epıdemıologııalyq baqylaý departamentiniń málimetine súıensek, osy jyldyń basynan óńir boıynsha jiti respıratorlyq vırýstyq ınfektsııanyń 52 008 jaǵdaıy tirkeldi.

Aýyrǵandardyń jartysynan astamy - 14 jasqa deıingi balalar. Olardyń sany 30 233 adamdy quraıdy.

- Jyl basynan beri zerthanalyq jolmen rastalǵan tumaý jaǵdaılary tirkelgen joq. Zerthanalyq taldaýlar nátıjesinde anyqtalǵan basqa vırýstardyń ishinde eń kóp taraǵany — rınovırýs (28 jaǵdaı). Odan keıin koronavırýs - 16, respıratorlyq-sıntsıtıaldyq vırýs - 11, adenovırýs - 10, metapnevmovırýs - 5 jáne bokavırýs - 1 jaǵdaı, - delingen aqparatta.

Mamandar JRVI men tumaýdyń negizgi belgilerine joǵary temperatýra, jalpy álsizdik, tamaqtyń aýyrýy jáne murynnyń bitelýi jatatyndyǵyn eske saldy. Aýrýdyń aldyn alý úshin bólmeni jıi jeldetip, qoldy muqııat jýyp, antıseptık quraldaryn qoldaný qajet.

Eske salsaq, osyǵan deıin almatylyqtar arasyndaǵy allergııanyń negizgi sebepteri atalǵany jaıly jazǵanbyz.