Shyǵys Qazaqstanda jol apatynan qaza bolǵan balalar sany artty

Shyǵys Qazaqstan oblysynda bıyl jol apatynan kóz jumǵan balalar sany artyp otyr, dep habarlaıdy Kazinform.

Jyl basynan beri Shyǵys Qazaqstanda kámelettik jasqa tolmaǵandardyń qatysýymen 77 jol-kólik oqıǵasy tirkelgen. Bul ótken jyldyń sáıkes kezeńimen salystyrǵanda 9 paıyzǵa az. Alaıda jol apatynan qaza bolǵan balalar sany kerisinshe artty.

«Zardap shekken balalardyń jartysynan kóbi jolaýshy bolǵan. Al qalǵandary joldan ótip bara jatqan jaıaý júrginshi. Ótken jyly joldaǵy oqys oqıǵadan 3 bala mert bolyp, 93-i túrli dene jaraqattaryn alǵan. Al osy jyl bastalǵaly beri bala ólimi 4-ke jetti», - deıdi ShQO PD jergilikti polıtsııa qyzmeti bastyǵynyń orynbasary Ádiljan Hamıtov.

Onyń aıtýynsha, kóp jaǵdaıda jaraqat alǵan balalardy kólikte tasymaldaý erejeleri saqtalmaǵan.