Shyǵys Qazaqstanda jol apatynan 3 adam qaza boldy
ÓSKEMEN. KAZINFORM — Shyǵys Qazaqstan oblysynda jol-kólik oqıǵasynan 3 adam kóz jumdy.
ShQO Polıtsııa departamenti baspasóz qyzmetiniń málimetine súıensek, jol apaty jeltoqsannyń 7 kúni «Shemonaıha-Ýst-Talovka» tasjolynda bolǵan.
— Toyota Corona Premio men Toyota Hilux markaly avtokólikter soqtyǵysty. Sonyń saldarynan Toyota Corona Premio kóliginiń júrgizýshisi men eki jolaýshysy alǵan jaraqattarynan oqıǵa ornynda kóz jumdy, — dep habarlady vedomstvo ókilderi.
Qazirgi ýaqytta polıtsııa qyzmetkerleri atalǵan fakti boıynsha sotqa deıingi tergeý amaldaryn bastady. Tıisti saraptamalar taǵaıyndalyp, sonyń nátıjeleri boıynsha tıisti protsessýaldyq sheshim qabyldanady.
Eske salsaq, osyǵan deıin Aqtóbede úsh kólik soqtyǵysyp, júrgizýshi men jolaýshy kóz jumǵany habarlanǵan.