Shyǵys Qazaqstanda jylytý maýsymy bastalǵaly 10 adamǵa ıis tıdi

Shyǵys Qazaqstan oblysynda jylytý maýsymy bastalǵaly beri 10 adamǵa ıis tıdi, dep habarlaıdy Kazinform.

Óńir qutqarýshylary kómirtegi totyǵymen ýlaný jaǵdaılary jıilep ketkenin aıtyp, dabyl qaǵýda. 

«Jylytý kezeńi bastalǵaly beri ShQO TJD mamandary 100 000-ǵa jýyq úıdi aralap, turǵyndarǵa órt qaýipsizdigi erejelerin túsindirdi, peshti durys paıdalaný boıynsha nusqaýlyqtar ótkizdi. Áleýmettik turǵyda osal sanattaǵy azamattardyń úılerine qaýipti gazdy anyqtaıtyn 2 000-nan astam datchık ornatyldy. Alaıda oblys boıynsha alǵashqy sýyq túse salysymen órt qaýipsizdigi erejelerin buzyp paıdalanylǵan peshterden 10 adamǵa ıis tıdi, onyń 8-i bala», - delingen departamenttiń baspasóz qyzmeti taratqan aqparatta.

Olardyń barlyǵy medıtsınalyq mekemelerge jatqyzylǵan. Oqıǵalardyń negizgi sebebi - ýaqtyly tazalanbaǵan tútin murjalary, peshterdiń tozýy. Reıdter júrgizý kezinde qutqarýshylar 22 000-nan astam úıde órt qaýipsizdigi erejeleriniń buzylǵanyn anyqtaǵan. 

Osy rette, TJD qyzmetkerlerine turǵyndarǵa óz qaýipsizdigi úshin nemqumaıdy qaramaı, barynsha abaı bolý qajettigin eskertti.