Shyǵys Qazaqstanda jyl basynan beri 38 keli esirtki tárkilendi

ÓSKEMEN. KAZINFORM – Shyǵys Qazaqstan oblysynda 2025 jyldyń basynan beri 10 esirtki laboratorııasy joıyldy.

ShQO Polıtsııa departamenti baspasóz qyzmetiniń málimetine súıensek, bıyl oblys boıynsha esirtkiniń zańsyz aınalymyna baılanysty 86 qylmystyq is tirkeldi. Onyń ishinde esirtkige qatysty 50 qylmys anyqtaldy. Atap aıtqanda, 35-i satý, 2-ýi asa iri kólemde saqtaý, 13-i quramynda esirtki bar ósimdikterdi ósirý faktisi. 

- Sondaı-aq 10 laboratorııa joıylyp, 1 kontrabanda deregi tirkeldi. Zańsyz aınalymnan 38 keliden astam esirtki, onyń ishinde 37 keli marıhýana, 1 keliden astam sıntetıkalyq esirtki tárkilengen, - delingen aqparatta. 

Vedomstvo dereginshe, esirtki qylmysynyń aldyn alý úshin100-den astam profılaktıkalyq shara - dárister, dóńgelek ústelder, aktsııalar men sporttyq kezdesýler ótkizilgen.

Eske salsaq, osyǵan deıin Aqmola oblysynda polıtseıler 5 adamdy janyp jatqan órt ishinen alyp shyqqany jaıly jazǵanbyz.