Shyǵys Qazaqstanda Jeńis kúnine oraı 100-ge jýyq shara uıymdastyrylady

ÓSKEMEN. KAZINFORM – Shyǵys Qazaqstan oblysynda bıylǵy Jeńis kúniniń 80 jyldyǵyna oraı 100-ge jýyq shara uıymdastyrylady.

Bıyl óńir boıynsha Jeńis kúnine oraı barlyǵy 97 is-shara uıymdastyrý josparlanyp otyr. Onyń ishindegi 57-si respýblıkalyq aktsııalar. 

ShQO ákimdiginiń málimetine súıensek, Ekinshi dúnıejúzilik soǵys ardagerleri men tyl eńbekkerleri úılerinde tegin medıtsınalyq tekseristen ótedi. Olar qajetti em qabyldap, sanatorıılerge jiberiledi. 

- Shemonaıha aýdanyndaǵy Vydrıha aýylynda 200 oryndyq jáne Ýst-Talovka aýylynda 50 oryndyq «Ýba» shıpajaıy UOS qatysýshylary, múgedekteri men olarǵa teńestirilgen adamdardy, eńbek ardagerlerin, jasyna baılanysty zeınetkerlerdi, «Altyn alqa», «Kúmis alqa» alqalarymen marapattalǵan analardy qysqa merzimdi demalysyn qamtamasyz etip, emdeý úshin jumys isteıdi. Mekemeniń jyldyq bıýdjeti - 875 mln teńge. Ótken jyly sanatorlyq-kýrorttyq qyzmettermen 193 UOS ardageri men tyl eńbekkeri qamtyldy, - delingen aqparatta. 

Budan bólek, mereıli dataǵa oraı  Ekinshi dúnıejúzilik soǵysyna arnalǵan eskertkishter jóndelip, qalpyna keltiriledi. Ardagerlerge mereıtoılyq medal da tabys etiledi.

Eske salsaq, osyǵan deıin Astanada Ekinshi dúnıejúzilik soǵys ardagerlerine 5 mıllıon teńgeden beriletindigi habarlanǵan.