Shyǵys Qazaqstanda tumaý juqtyrǵandar sany 8 esege artty

ÓSKEMEN. KAZINFORM – Shyǵys Qazaqstan oblysynda tumaý juqtyrǵandar sany 8 esege artyp otyr.

ShQO sanıtarlyq-epıdemıologııalyq baqylaý departamentiniń málimetine súıensek, 2025-2026 jyldardaǵy epıdemııalyq maýsymda óńirde JRVI-ge 141 493 adam shaldyqqan. 

Aýyrǵandardyń 86 665-y, ıaǵnı 61%-y – 14 jasqa deıingi balalar. Júkti áıelder arasynda 2 711 jaǵdaı, bir jasqa deıingi balalar arasynda 1 724 jaǵdaı tirkeldi.

- Tumaýdyń zerthanalyq rastalǵan 182 jaǵdaıy anyqtaldy. Onyń ishindegi 14 jasqa deıingi balalar sany – 39. 2024-2025 jyldardyń sáıkes kezeńimen salystyrǵanda JRVI kórsetkishi 4,6%-ǵa, al tumaý 8 esege artqan. Alaıda syrqattanýshylyq deńgeıi kópjyldyq statıstıkalyq derekterge negizdelgen baqylaý sheginen aspaıdy, - delingen aqparatta. 

Al koronavırýs ınfektsııasynyń 2 jaǵdaıy tirkeldi. Osylaısha, syrqattanýshylyq 13 esege tómendep otyr. 

Eske salsaq, osyǵan deıin tumaýdyń sońy ólim-jitimge soqtyrýy múmkin ekendigi jaıly jazǵanbyz.