Shyǵys Qazaqstanda týberkýlezben aýyrǵandar sany 3,6 paıyz ósti

ÓSKEMEN. KAZINFORM – Shyǵys Qazaqstan oblysynda bıyl týberkýlezben aýyrǵandar sany 3,6 paıyz artyp otyr.

ShQO Densaýlyq saqtaý basqarmasynyń málimetine súıensek, óńir boıynsha týberkýlezge shaldyqqandar kóbeıgen. Naqty aıtqanda, 225 adam aýyryp, bul kórsetkish ótken jyldyń sáıkes kezeńimen salystyrǵanda 3,6%-ǵa ósip otyr.

«Óskemen qalasynda jáne Altaı, Samar, Glýbokoe, Kúrshim aýdandarynda aýyrǵandar sanynyń kóbeıgeni baıqalady. Sondaı-aq oblysta balalar arasyndaǵy aýrýshańdyq ta 1,3 ese ósip ketti. Bıyl 12 bala aýyrsa, byltyr 9 bala bul syrqatqa shaldyqqan bolatyn», - delingen aqparatta.

Al 0 men 14 jas aralyǵyndaǵy balalar arasynda aýyrǵandar sany – 7. Onyń altaýy Óskemen qalasynda, bireýi Ulan aýdanynda tirkelgen.

Eske salsaq, osyǵan deıin Aqtóbede bıyl 1370 adamnan qaterli isik anyqtalǵany habarlanǵan.