Shyǵys Qazaqstanda taǵy da qar kóshkini túsirildi

ÓSKEMEN. KAZINFORM – Shyǵys Qazaqstan oblysynda jasandy jolmen qar kóshkini túsirildi.

ShQO Tótenshe jaǵdaılar departamenti baspasóz qyzmetiniń málimetine súıensek, taý bókterinde 4 ret jarylys jasaldy.

- Qar kóshkininiń aldyn alý sharasy oblystyq mańyzy bar «Óskemen-Tarǵyn-Samar» tasjolynyń 95-102 shaqyrymynda júrgizildi. Barlyǵy 1145 tekshe metr qar túsirildi. Joldy jaýyp qalǵan qar kóp uzamaı tazalandy. Qazir jol ashyq tur, - dep habarlady vedomstvo ókilderi.

Naýryz aıynda taýda qar kóshkini qaýpi arta túsedi. Sebebi kún kúrt jylynyp, qar erı bastaıdy. Sondyqtan TJD qyzmetkerleri azamattardy taýly jerlerge barmaýǵa shaqyrdy.

Eske salsaq, buǵan deıin Shyǵys Qazaqstandaǵy tasjoldardyń biri kóliktiń barlyq túri úshin jabylǵany habarlanǵan.