Shyǵys Qazaqstanda taǵy da qar kóshkini túsirildi

ÓSKEMEN. KAZINFORM – Shyǵys Qazaqstan oblysynda jasandy jolmen qar kóshkini túsirildi.

Búgin «Qazseldenqorǵaý» mekemesi oblystyq fılıalynyń mamandary TJD qyzmetkerlerimen birlesip, kezekti ret profılaktıkalyq qar kóshkinin júrgizdi.

«Óskemen-Tarǵyn-Samar» tasjolynda qar kóshkininiń ózdiginen júrý qaýpi artqan. Osyǵan oraı tasjoldyń 5 ýchaskesinde jarylys jasalyp, 7900 tekshe metr qar túsirildi. Kóshkin joldy ishinara jaýyp tastady. Jolshylar qardy tazartyp, avtokólik qozǵalysy qaıta jandandy», - delingen ShQO Tótenshe jaǵdaılar departamentiniń baspasóz qyzmeti taratqan aqparatta.

Osy rette, TJD qyzmetkerleri óńir jurtshylyǵyna alys saparǵa shyǵar aldynda joldardyń jaı-kúıin «Dármen» mobıldi qosymshasy arqyly tekserip otyrýǵa keńes berdi.