Shyǵys Qazaqstanda taǵy bir jolda kólik qozǵalysy shekteldi

ÓSKEMEN. KAZINFORM – Shyǵys Qazaqstan oblysynda aýa raıynyń qolaısyzdyǵyna baılanysty joldardyń birinde shekteý engizildi.

ShQO tótenshe jaǵdaılar departamenti baspasóz qyzmetiniń málimetine súıensek, joldyń durys kórinbeýine, boran men kóktaıǵaqqa baılanysty oblystyq mańyzy bar avtokólik joldarynda keıbir kólik túrleriniń qozǵalysyna tyıym salyndy.

- 21 jeltoqsan saǵat 10.00-den bastap «Shemonaıha-Sekısovka» tasjolynyń 0-56 shaqyrymynda (Shemonaıha qalasy men Sekısovka aýylynyń arasyndaǵy jol) avtobýstar men tirkemesi bar jáne jartylaı tirkemeli júk kólikteriniń qozǵalysyna ýaqytsha tyıym salyndy. Sondyqtan júrgizýshilerdi óz baǵyttaryn aldyn ala josparlap alýdy suraımyz, - delingen aqparatta.

Osy rette, qutqarýshylar óńir jurtshylyǵyna joldardyń jaı-kúıin «Dármen» mobıldi qosymshasy arqyly bilip otyrýǵa keńes berdi.

Eske salsaq, osyǵan deıin 21 jeltoqsanda eldegi qaı joldar jabyq ekendigin jazǵanbyz.