Shyǵys Qazaqstanda taǵy bir jol jabyldy
ÓSKEMEN. KAZINFORM – Shyǵys Qazaqstan oblysynda taǵy bir jolda kóliktiń barlyq túriniń qozǵalysyna tyıym salyndy.
ShQO tótenshe jaǵdaılar departamenti baspasóz qyzmetiniń málimetine súıensek, aýa raıynyń qolaısyzdyǵyna, naqty aıtqanda burqasyn men joldyń durys kórinbeýine baılanysty oblystyq mańyzy bar jol jabyldy.
- «Óskemen-Taýly Úlbi-Soltústik» tasjolynyń 38-60 shaqyrymynda (Altaı Alpisi demalys orny men Soltústik aýylynyń arasyndaǵy jol) kólik qozǵalysyna tyıym salyndy. Sondyqtan júrgizýshilerdi óz baǵyttaryn aldyn ala josparlap alýdy suraımyz, - delingen aqparatta.
Osy rette, qutqarýshylar óńir jurtshylyǵyna joldardyń jaı-kúıin «Dármen» mobıldi qosymshasy arqyly bilip otyrýǵa keńes berdi.
Eske salsaq, osyǵan deıin tórt oblysta jol jabylǵany habarlanǵan.
