Shyǵys Qazaqstanda taǵy bir aýyl ishimdikten bas tartty
ÓSKEMEN. KAZINFORM — Shyǵys Qazaqstan oblysy Tarbaǵataı aýdanyndaǵy Jalǵyztal aýylynyń turǵyndary ishimdikten túbegeıli bas tartý týraly sheshim qabyldady.
Bul eldi mekendegi 30 úıde 150 adam turady. Aýyl halqy birkisideı alkogoldi ishimdikten bas tartty.
— Osylaısha, olar quqyq buzýshylyqtardyń aldyn alyp, qoǵamdyq tártipti nyǵaıtyp jáne salaýatty ómir saltyn nasıhattap otyr. Aýyl turǵyndary sanaly tańdaý jasap, dástúrli otbasylyq qundylyqtardy birinshi orynǵa qoıdy. Sońǵy úsh jylda Jalǵyztalda birde-bir qylmys tirkelmegen, — dep habarlady ShQO Polıtsııa departamentinen.
Polıtseıler aýyl jurtshylyǵynyń bastamasyn qoldaı otyryp, turmystyq janjaldar men basqa da qylmystar kóbinese mas kúıde jasalatynyn atap ótti.
Aıta keteıik, Jalǵyztal aýyly oblys boıynsha ishimdikten bas tartqan altynshy eldi meken bolyp otyr.
Eske salsaq, buǵan deıin Atyraý oblysynda turǵyndary ishimdikten bas tartqan aýyldar sany 54-ke jetkenin jazǵan edik.