Shyǵys Qazaqstanda sý tasqyny jaǵdaıyna tikushaqpen barlaý jasaldy
ÓSKEMEN. KAZINFORM – Shyǵys Qazaqstan oblysynda sý tasqyny jaǵdaıyna tikushaqpen barlaý jasaldy.
Oblys ákiminiń orynbasary Baqytjan Baıahmetov pen TJD bastyǵy Erǵalı Bahaev bastaǵan arnaıy jumys toby Kúrshim, Ulan jáne Marqakól aýdandarynda bógetter men ózenderdi túkushaqpen baqylap ótti.
ShQO tótenshe jaǵdaılar departamenti baspasóz qyzmetiniń málimetine súıensek, Ulan aýdanynyń kishi bógetterinen sý ótip, ózenderdegi sý deńgeıi kóterilýi múmkin. Qazirgi ýaqytta mamandar bógetterge tekserý júrgizýde. Eldi mekenderdi sý basý qaýpi baıqalmaıdy.
«Qalyń tuman bolǵandyqtan, Samar aımaǵyndaǵy aýmaqtardy tekserý múmkin bolmady. Ary qaraı sapar Kúrshim aýdanyna deıin jalǵasty. Boran aýylyndaǵy Qara Ertis ózeninde sý basý qaýpi joq», - delingen aqparatta.
Áýeden zerttelgen aýdandarda sý basý qaýpi baıqalmaıdy. Jaǵdaı turaqty.
