Shyǵys Qazaqstanda sý tasqyny kezeńine joǵary daıyndyq rejımi jarııalandy
ÓSKEMEN. KAZINFORM – Shyǵys Qazaqstan oblysy ákiminiń ókimine sáıkes 1 aqpannan bastap oblys aýmaǵynda sý tasqyny kezeńine joǵary daıyndyq rejımi jarııalandy.
Osyǵan baılanysty oblystyń sý aıdyndaryna monıtorıng júrgiziledi. Qazirgi ýaqytta jergilikti atqarýshy organdar 156 myń tekshe metrden astam qar shyǵarǵan.
ShQO Tótenshe jaǵdaılar departamenti baspasóz qyzmetiniń málimetinshe, sý tasqyny qaýpi tóngen joǵary kezeń bastalǵanda jedel den qoıý úshin jeke quramnan 2511 adam, 242 motopompa, 46 júzý quraly jáne 800-den astam tehnıka ázirlendi.
- Sondaı-aq 64 myń ydys-qap, 9323 tonna ınertti materıaldar jáne 263 tonnadan astam janar-jaǵarmaı daıyndaldy. Osy rette, TJD qyzmetkerleri turǵyndarǵa kóktem kelgende óz aýlasy aýmaǵyn qardan, aryqtardy muzdan tazartý qajettigin eskertedi, - delingen aqparatta.
Eske salsaq, buǵan deıin Shyǵys Qazaqstanda qar kóshkini túsirilgeni habarlanǵan.