Shyǵys Qazaqstanda sońǵy úsh aıda 125 myńnan astam adam JRVI juqtyrǵan
ÓSKEMEN. KAZINFORM — Shyǵys Qazaqstan oblysynda JRVI men tumaý juqtyrǵandar sany kóbeıip keledi.
Jyl sońyndaǵy sońǵy úsh aıda óńir boıynsha jedel respıratorlyq vırýstyq ınfektsııanyń 125 143 jaǵdaıy tirkeldi. Aýrýǵa shaldyqqandardyń basym bóligi — 14 jasqa deıingi balalar men jasóspirimder.
Bul týraly ShQO sanıtarııalyq-epıdemıologııalyq baqylaý departamentinen habarlady. JRVI-den bólek, oblys zerthanalarynda tumaýdyń zerthanalyq jolmen rastalǵan 182 jaǵdaıy tirkelgen.
— Barlyq jaǵdaıda A/H3N2 vırýsy, ıaǵnı Gonkong tumaýy anyqtaldy. Óńirde bul vırýsty juqtyrǵandardyń 92-si — 14 jasqa deıingi balalar. Aıta ketý kerek, tumaýdyń bul túri maýsymdyq, qalypty taralatyn vırýs. Ol jyl saıyn álem boıynsha aınalymda bolady, sondyqtan alańdaýǵa esh negiz joq. Bul vırýsqa qarsy tıimdi aldyn alý sharalary burynnan ázirlengen, — dedi departament basshysy Qanat Turdyev.
Eske salsaq, osyǵan deıin SQO-da JRVI men tumaý juqtyrǵandardyń arasynda aýyr syrqattanǵandar joq ekendigi habarlanǵan.