Shyǵys Qazaqstanda sońǵy eki kúnde ǵana 60-tan astam dala órti tirkeldi

ÓSKEMEN. KAZINFORM – Shyǵys Qazaqstan oblysynda órt qaýpi joǵary kezeń bastalǵaly beri dala órti kóbeıip keledi.

ShQO Tótenshe jaǵdaılar departamenti baspasóz qyzmetiniń málimetine súıensek, óńir boıynsha kóktem shyqqaly beri órt qaýipsizdigi erejelerin saqtamaǵan 32 adam ákimshilik jaýapkershilikke tartylǵan.

- Aımaqta tek demalys kúnderi 60-tan astam dala órti tirkelgen. Shópti sharpyǵan qyzyl jalynnyń jalpy aýdany - 169 gektar. Órt shyǵýynyń negizgi sebebi – halyqtyń qaýipsizdikti saqtamaýy jáne otty abaısyz paıdalanýy, - delingen aqparatta.

Shyǵys Qazaqstanda órttiń aldyn alý úshin 243 adamnan turatyn 46 mobıldi top quryldy. Oǵan órt sóndirýshiler, jergilikti atqarýshy organ ókilderi, polıtsııa qyzmetkerleri jáne ormanshylar kirip otyr. Mobıldi toptar profılaktıkalyq reıdterge shyǵyp jatyr.

Eske salsaq, osyǵan deıin Shyǵys Qazaqstan ormandaryn órtten «aqyldy munaralar» qorǵaıtyny jaıly jazǵanbyz.