Shyǵys Qazaqstanda ishimdikten bas tartqan aýyl sany 22-ge jetti

ÓSKEMEN. KAZINFORM — Shyǵys Qazaqstan oblysynda 22 aýyldyń turǵyndary ishimdikten bas tartty. 

Zaısan aýdany Birjan aýyldyq okrýgine qarasty Qýanysh aýylynyń turǵyndary «Іshimdiksiz aýyl» respýblıkalyq bastamasyna qosylý týraly sheshim qabyldady. Atalǵan sheshim eldi meken turǵyndarynyń jalpy jınalysynda biraýyzdan qabyldandy.

— Bul — aýdanda resmı túrde tirkelgen úshinshi «salaýatty aýyl». Osy bastama quqyq buzýshylyqtardyń, onyń ishinde turmystyq zorlyq-zombylyqtyń aldyn alýǵa jáne qoǵamdyq tártipti nyǵaıtýǵa baǵyttalǵan. Qazirgi ýaqytta Qýanysh aýylynda 80-nen astam úıde shamamen 370 adam turady. Qabyldanǵan sheshim jastar arasynda salaýatty ómir saltynyń qalyptasýyna yqpal etpek, — dep habarlady ShQO polıtsııa departamentinen. 

Osylaısha, Qýanysh aýyly Shyǵys Qazaqstan oblysy boıynsha resmı túrde ishimdikten bas tartqan 22-shi eldi meken bolyp otyr.

Eske salsaq, osyǵan deıin Pavlodarda ishimdik ishken ákesi úsh jasar qyzyn óltirip qoıǵany habarlanǵan.