10:37, 17 Sáýir 2025 | GMT +5
Shyǵys Qazaqstanda sharýa qojalyǵynda 150 tonna pishen janyp ketti
ÓSKEMEN. KAZINFORM – Shyǵys Qazaqstan oblysy Zaısan aýdanyndaǵy sharýa qojalyǵynda iri órt boldy.
ShQO Tótenshe jaǵdaılar departamenti baspasóz qyzmetiniń málimetine súıensek, Zaısan aýdanyndaǵy Bekbaı ýchaskesindegi sharýa qojalyqtarynyń birinde órt shyqqan.
— Habar túse salysymen órt sóndirýshiler shuǵyl kelip jetti. Sol kezde pishen janyp jatty. Kóp uzamaı tilsiz jaý tolyqtaı sóndirildi. Órttiń sharýashylyq qora-jaı men basqa da ǵımarattarǵa taralýyna jol berilmedi, — delingen aqparatta.
Barlyǵy 150 tonna pishen janyp ketken. Ázirge órttiń naqty neden shyqqan belgisiz. Departament mamandary tekserý júrgizip jatyr.
Eske salsaq, taıaýda dál osy Zaısan aýdanynda iri dala órti bolǵan edi.