Shyǵys Qazaqstanda Reseıge aparatyn jańa kópirdiń qurylysy bastalmaq

ÓSKEMEN. KAZINFORM – Shyǵys Qazaqstan oblysyndaǵy Shemonaıha aýdanyn Óskemen qalasymen baılanystyryp otyrǵan jalǵyz kópir 2008 jyldan beri apatty jaǵdaıda tur.

Jańa kópirdiń jobasy daıyn

Bul – óte mańyzdy kópir. Sebebi ol Shemonaıha turǵyndaryn oblystyń basqa qala, aýdandarymen baılanystyrady. Tipti Qazaqstan men Reseıdiń arasyn jalǵaıtyn strategııalyq mańyzdy qurylym. Tozǵanyna qaramastan kópirmen kólikter arly-berli qatynap júr. Biraq ondaǵy qozǵalys reversıvti júıemen shektelgendikten júrgizýshiler úshin qolaısyzdyq pen keptelis týdyryp keledi. ıAǵnı, apatty jaǵdaıdaǵy kópirge salmaq túsirmes úshin kólikterge bir ýaqytta eki baǵytta qozǵalýǵa tyıym salynǵan.

Búginde jańa kópirdiń jobasy daıyn. Qurylys jumystary bıylǵy jazda bastalmaq.

Shyǵys Qazaqstan oblysy Jolaýshy kóligi jáne avtomobıl joldary basqarmasynyń basshysy Nurjan Jumadilovtiń aıtýynsha, jobalyq-smetalyq qujattama aıaqtalýǵa taıaý. 10 sáýirge deıin joba memlekettik saraptamaǵa jiberiledi dep josparlanyp otyr. Al saraptamaǵa jiberilse, 45 jumys kúni ishinde sheshim shyǵarylýy tıis. Osylaısha, qurylys osy jyldyń ekinshi jartysynda bastalýy múmkin.

- Jańa kópir eki jolaqty bolady. Uzyndyǵy - 242 metr. Jaıaý júrginshilerge arnalǵan jol da qarastyrylǵan. Qurylys jumystary eski kópirge demontaj jasamaı júrgiziledi. Jańa kópir eskisi ornalasqan jerden joǵaryraq salynady, - deıdi basqarma basshysy.

Jobanyń quny kireberis joldardy qosqanda 8,5 mlrd teńgege baǵalanyp otyr. Buryn qymbattyraq bolady dep josparlanǵan edi (14 mlrd teńge). Qarajat respýblıkalyq bıýdjetten bólinedi. Kólik mınıstrligi jobany qoldaǵan.

60 jyldan astam ýaqyt buryn salynǵan

Jańa kópir salynsa Shemonaıhany Óskemenmen, Qazaqstandy Reseımen baılanystyratyn kólik jelisiniń negizgi býyny qalyptasady.

- Bul kópir tek jergilikti mańyzy bar nysan emes. Ol halyqaralyq tasymalda aýqymdy ról atqarady. Bul Shemonaıha aýdanyn oblys ortalyǵymen ǵana emes, Qazaqstandy Reseı Federatsııasymen baılanystyratyn respýblıkalyq joldyń ýchaskesindegi túıispe. Jol Óskemen, Almaty qalalaryn jáne ońtústiktegi kórshiles Qyrǵyzstan men Ózbekstan elderine tranzıtpen jalǵasyp jatyr. ıAǵnı, bul – búkil el úshin mańyzdy strategııalyq nysan, - deıdi Shemonaıha aýdany ákiminiń orynbasary Baqytjan Moldahanov.

Alaıda onyń qazirgi jaǵdaıy múshkil. 60 jyldan astam ýaqyt buryn salynǵan kópir osynshama kóp kólikti ótkizýge arnalmaǵan. Búginde onyń ústimen kúnine myńnan astam kólik, sonyń ishinde aýyr tehnıkalar júrip ótedi.

- Bul kezinde berik kópir bolǵan. Biraq Qaragýjıhadan kendi tasymaldaǵan kezde ábden tozyp ketken. Endi ol myna júktemeni kótere almaıdy, - deıdi kólik júrgizýshisi Aleksandr Ivanchenko.

Bıyl jazda bastalady dep josparlanǵan otyrǵan qurylys jumystary Jol aktıvteri sapasy ulttyq ortalyǵynyń baqylaýynda bolmaq. Mamandardyń aıtýynsha, jańa kópir zamanaýı standarttarǵa saı jáne joǵary qarqyndy kólik aǵynyna tótep beredi.

- Joba memlekettik saraptamadan ótken boıda biz respýblıkalyq bıýdjetten qarjy suratamyz. Tıisti jospar qurylǵan. Sosyn jazǵa deıin tender jarııalanady. Odan keıin merdigerler qurylysty bastap ketedi, - dep habarlady Jolaýshy kóligi jáne avtomobıl joldary basqarmasynan.

Osylaısha, aldaǵy aılarda Shyǵys Qazaqstan, Reseı jáne respýblıkanyń ońtústik oblystary arasynda qaýipsiz ári jaıly qozǵalysty qamtamasyz etetin óńirdegi mańyzdy kópirdiń qurylysy bastalady.

Eske salsaq, buǵan deıin «Bıpek-Avto» isi boıynsha sot úkimi shyqqany habarlanǵan.