Shyǵys Qazaqstanda Rahman qaınaryna aparatyn jol jóndelip jatyr
ASTANA. KAZINFORM – Shyǵys Qazaqstan oblysynda respýblıkalyq mańyzy bar «Óskemen – Altaı – Úlken Naryn – Katonqaraǵaı – Rahman qaınary» avtomobıl jolynda ortasha jóndeý jumystary jalǵasýda, dep habarlaıdy «QazAvtoJol» ulttyq kompanııasy.
Jóndeý jumystary avtojoldyń 0-45 shaqyrym aralyǵynda júrgizilip jatyr.
– Joba aıasynda 9,5 shaqyrymda iri túıirshikti asfaltbetonnan tegisteý qabaty, 5 shaqyrymda maıda túıirshikti asfaltbetonnan joǵarǵy jabyn qabaty tóseldi, – delingen habarlamada.
Atalǵan avtojol óńirdegi tanymal týrıstik baǵyttardyń biri – Rahman qaınarlaryna jáne oǵan jaqyn ornalasqan tabıǵı nysandarǵa aparatyn mańyzdy kólik dálizi sanalady.
Jol ınfraqurylymyn jańǵyrtý týrıster úshin qolaıly jaǵdaı jasaýǵa, kólik qozǵalysynyń qaýipsizdigin arttyrýǵa jáne óńirdiń týrıstik áleýetin damytýǵa yqpal etedi.
Aıta keteıik, ShQO-da joldaǵy shuńqyrlardy jóndeýdiń jańa tehnologııasy qoldanyla bastady.
